Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 118-1} vel pukaḻ maṉṉavaṉ viḷaṅkiya oḻukkattāl
• {KALI 118-2} nal āṟṟiṉ uyir kāttu naṭukku aṟa tāṉ ceyta
• {KALI 118-3} tol viṉai payaṉ tuyppa tuṟakkam vēṭṭu eḻuntāṟpōl
• {KALI 118-4} pal katir ñāyiṟu pakal āṟṟi malai cēra
• {KALI 118-5} āṉātu kaluḻ koṇṭa ulakattu maṟṟu avaṉ
• {KALI 118-6} ēṉaiyāṉ aḷippāṉ pōl ikal iruḷ mati cīppa
• {KALI 118-7} kuṭai niḻal āṇṭāṟku um āḷiya varuvāṟku um
• {KALI 118-8} iṭai niṉṟa kālam pōl iṟuttanta maruḷ mālai
• {KALI 118-9} mālai nī tū aṟa tuṟantārai niṉaittaliṉ kayam pūtta
• {KALI 118-10} pōtu pōl kuvinta eṉ eḻil nalam eḷḷuvāy
• {KALI 118-11} āy ciṟai vaṇṭu ārppa ciṉai pū pōl taḷai viṭṭa
• {KALI 118-12} kātalar puṇarntavar kārikai kaṭikallāy
• {KALI 118-13} mālai nī tai eṉa kōvalar taṉi kuḻal icai kēṭṭu
• {KALI 118-14} paiyeṉṟa neñcattēm pakkam pārāṭṭuvāy
• {KALI 118-15} cevvaḻi yāḻ narampu aṉṉa kiḷaviyār pārāṭṭum
• {KALI 118-16} poy tīrnta puṇarcci uḷ putu nalam kaṭikallāy
• {KALI 118-17} mālai nī takai mikka tāḻ ciṉai pati cērntu puḷ ārppa
• {KALI 118-18} pakai mikka neñcattēm puṉmai pārāṭṭuvāy
• {KALI 118-19} takai mikka puṇarcciyār tāḻ koṭi naṟu mullai
• {KALI 118-20} mukai mukam tiṟantaṉṉa muṟuval um kaṭikallāy
• {KALI 118-21} eṉa āṅku
• {KALI 118-22} mālai um alar um nōṉātu em vayiṉ
• {KALI 118-23} neñcam um eñcum maṉ tilla eñci
• {KALI 118-24} uḷḷātu amaintōr uḷḷum
• {KALI 118-25} uḷ il uḷḷam uḷ uḷ uvantu ē